Svona er stemmningin í Cardiff | Myndband

Klukkan 18:45 flautar þýski dómarinn Felix Brych til leiks í úrslitaleik Meistaradeildar Evrópu þar sem Juventus og Real Madrid mætast á Þúsaldarvellinum í Cardiff.

Bæði lið hafa verið frábær í keppninni og aðeins tapað einum leik samanlagt. Það verður því eitthvað undan að láta í kvöld.

Leikurinn verður sýndur í beinni útsendingu á Stöð 2 Sport HD og það er Guðmundur Benediktsson sem sér um að lýsa honum.

Útsending hefst klukkan 18:00 en landsliðsmennirnir Aron Einar Gunnarsson og Jóhann Berg Guðmundsson verða gestir Ríkharðs Óskars Guðnasonar í settinu.

Mikil stemmning er í Cardiff en í myndbandinu hér að ofan má sjá veglega upphitun fyrir úrslitaleikinn í kvöld.