Modric: Kuldi fyrsta sem kemur upp í hugann

Luka Modric, skærasta stjarna króatíska landsliðsins, segir að fyrsta sem kemur upp í hugann frá síðasta leik Króatíu á Íslandi sé kuldi. Þetta sagði hann á blaðamannafundi í höfuðstöðvum KSÍ nú í kvöld.

Ísland og Króatía mætast á morgun í mikilvægum leik á Laugardalsvelli og Modric var spurður hver upplifun hans af síðustu heimsókn til Íslands væri.

„Fyrsta sem kemur í hugann minn er kuldi," og króatískir blaðamenn hlæja. „Það var nóg af tækifærum fyrir bæði lið að skora."

„Þetta er mikilvægasti leikur riðilsins. Við vitum hversu erfitt er að spila við Ísland, sérstaklega á heimavelli. Við erum Króatía og komum hingað til að vnna og sigur hér þá myndum við stíga stórt skref í áttina til Rússlands 2018.”

Nánar má lesa um blaðamannafundinn hér.