Miklar götulokanir í miðbænum í dag vegna Color Run

Color Run hlaupið fer fram í miðbæ Reykjavíkur í dag. Slökkvilið og lögregla höfuðborgarsvæðisins biðja almenning um að virða götulokanir vegna hlaupsins og skilja bílana eftir heima eða nýta sér stæði við BSÍ og Landspítalann.

Color Run hefst klukkan 11 í dag. Talsmaður slökkviliðsins hvetur hlaupara og áhorfendur að mæta tímanlega niður í miðbæ og hafa lokanir fyrir bílaumferð í huga. Búið er að loka fyrir allar helstu götur og ekki verður opnað fyrir umferð fyrr en að hlaupi loknu um 15.

Þetta er í þriðja sinn sem Color Run er haldið á Íslandi. Hlauparar verða ræstir út frá Hljómskálagarðinum klukkan 11.