Valtteri Bottas segir ekkert standa í vegi fyrir því að hann geti unnið Lewis Hamilton og Sebastian Vettel í titilbaráttu. Hann segir frammistöðu sína undanfarið sanna að hann geti gert tilkall til heimsmeistaratitilsins.
Bottas hefur náð fimm sinnum á verðlaunapall í röð og hann hefur þar með minnkað bilið töluvert í heimsmeistarakeppni ökumanna. Hann er 33 stigum á eftir Vettel sem leiðir heimsmeistaramótið.
„Ég get orðið heimsmeistarai. Það eru enn níu keppnir eftir, ég hef fulla trú á að ég geti unnið Lewis og Sebastian. Ég hef nú þegar gert það í ár,“ sagði Bottas í samtali við Motorsport Week.
„Ég er alltaf að verða betri og betri. Það eru engin takmörk hjá mér. Ég myndi aldrei segja að andstæðingar mínir séu betri en ég. Ég hef trú á mér,“ bætti Finninn við.
„Það er skýrt innan liðsins að við fáum báðir jöfn tækifæri. Við fáum sama búnað og það er enginn númer eitt eða tvö. Ég er í baráttunni um heimsmeistaratitilinn og þetta snýst um minn feril. Ég vil ekki vera í skugganum af Lewis,“ sagði Bottas að lokum.
Bottas: Ég get haft betur í titlbaráttu gegn Lewis Hamilton og Sebastian Vettel
Tengdar fréttir
Vergne vann í Montreal en Lucas di Grassi meistari
Jean-Eric Vergne á Techeetah bílnum vann sína fyrstu keppni í Formúlu E í dag í Montreal, Kanada. Lucas di Grassi varð meistari ökumanna í mótaröðinni.
Ferrari vann tvöfalt í Ungverjalandi | Sjáðu uppgjörsþáttinn
Rúnar Jónsson og Kristján Einar Kristjánsson, sérfræðingar Stöðvar 2 Sport fara yfir alla hestu atburði ungverska kappakstursins í Formúlu 1.
Bílskúrinn: Varnarsigur í Ungverjalandi
Sebastian Vettel á Ferrari kom fyrstur í mark í ungverska kappakstrinum í Formúlu 1 um liðna helgi. Hann var að glíma við stýrisvandamál í bíl sínum og hefði verið auðveld bráð fyrir Mercedes menn ef ekki hefði verið fyrir liðsfélaga Vettel, Kimi Raikkonen sem varði sinn mann vel en þurfti að bíta í það súra að fá ekki að taka fram úr Vettel.
