Rúnar Alex í hópinn á kostnað Ögmundar

Heimir Hallgrímsson, þjálfari íslenska karlalandsliðsins í fótbolta, tilkynnti í dag leikmannahópinn sem mætir Finnlandi og Úkraínu í undankeppni HM 2018 í næsta mánuði.

Rúnar Alex Rúnarsson, markvörður Nordsjælland kemur inn í hópinn á kostnað Ögmunds Kristinssonar sem er á mála hjá Hammarby. Ögmundur er ekki í áætlunum þjálfara Hammarby og er að leita sér að nýju liði og var ákveðið að gefa honum frí frá komandi landsliðsverkefnum til að einbeita sér að því að finna sér nýtt lið. 

Einnig kemur Jón Guðni Fjóluson, leikmaður Norrköping, inn í hópinn frá síðasta leik í stað Arons Sigurðssonar.

Viðar Örn Kjartansson, sóknarmaður hjá Maccabi Tel Aviv, fær ekki tækifæri hjá Heimi og félögum. Heimir segist þó enn hafa not fyrir Viðar og hefur ekkert út á hann að setja. Viðar verður til taks fari svo að einhver forföll verði á hópnum.

Ísland er í 2. sæti I-riðils með 13 stig, jafn mörg og topplið Króatíu. Leikurinn gegn Finnum fer fram í Tampere 2. september. Þremur dögum síðar mæta Íslendingar Úkraínumönnum á Laugardalsvellinum.



Hópurinn:

Markverðir:

Hannes Þór Halldórsson, Randers

Ingvar Jónsson, Sandefjord

Rúnar Alex Rúnarsson, Nordsjælland

Varnarmenn:

Birkir Már Sævarsson, Hammarby

Ragnar Sigurðsson, Rubin Kazan

Kári Árnason, Aberdeen

Ari Freyr Skúlason, Lokeren

Sverrir Ingi Ingason, Rostov

Hörður Björgvin Magnússon, Bristol City

Jón Guðni Fjóluson, Norrköping



Miðjumenn:

Aron Einar Gunnarsson, Cardiff City

Emil Hallfreðsson, Udinese

Birkir Bjarnason, Aston Villa

Jóhann Berg Guðmundsson, Burnley

Gylfi Þór Sigurðsson, Everton

Ólafur Ingi Skúlason, Karabukspor

Rúnar Már Sigurjónsson, Grasshopper

Arnór Ingvi Traustason, AEK

Rúrik Gíslason, Nürnberg

Sóknarmenn:

Jón Daði Böðvarsson, Reading

Alfreð Finnbogason, Augsburg

Björn Bergmann Sigurðarson, Molde