Sjáðu magnað vipp Ólafíu fyrir erni

Ólafía Þórunn Kristinsdóttir náði sínum besta árangri á LPGA-mótaröðinni er hún hafnaði í fjórða sæti á Indy Women In Tech-mótinu á LGPA-mótaröðinni í dag.

Ólafía var í baráttu tíu efstu á lokahringnum í dag en hoppaði upp í fjórða sætið er hún vippaði fyrir erni á átjándu holu. Þar með skilaði hún sér í hús á 68 höggum og þrettán höggum undir pari samtals.

Tekjur Ólafíu á mótinu fara langt með að tryggja henni þátttökurétt á LPGA-mótaröðinni á næstu leiktíð en vippið magnaða má sjá í spilaranum hér fyrir neðan.

Mótið var í beinni útsendingu á Golfstöðinni í lýsingu Karenar Sævarsdóttur.