Hörður Björgvin: Hleypti Yarmalenko úr vasanum á mér

Andriy Yarmalenko skoraði afar laglegt mark þegar Borussia Dortmund tapaði 3-1 fyrir Tottenham í H-riðli Meistaradeildar Evrópu í kvöld.

Yarmalenko lék með úkraínska landsliðinu gegn því íslenska á Laugardalsvellinum í síðustu viku.

Úkraínumaðurinn öflugi komst þá lítt áleiðis gegn Herði Björgvini Magnússyni sem átti skínandi leik í stöðu vinstri bakvarðar hjá Íslandi.

Hörður gantaðist með það á Twitter í kvöld að hann hefði hleypt Yarmalenko úr vasanum á sér í kvöld og hrósaði honum fyrir markið.

Ég hleypti Yarmolenko úr vasanum á mér í kvöld. Geggjað mark hjá honum

— Hörður B. Magnússon (@HordurM34) September 13, 2017

Mark Yarmalenkos og öll mörkin úr leik Tottenham og Dortmund má sjá hér að neðan.