Aguero gæti spilað á morgun

Stuðningsmenn Man. City fengu góðar fréttir í dag er Pep Guardiola, stjóri Man. City, staðfesti að Sergio Aguero gæti spilað með liðinu á morgun.

Guardiola sagði þó að Aguero væri ekki alveg orðinn 100 prósent góður en hann rifbeinsbrotnaði í árekstri í Amsterdam fyrir tveim vikum síðan.

Aguero komst í gegnum fulla æfingu í gær og eftir hana sagðist hann vera klár í að spila.

„Hann stóð sig vel á æfingunni og við viljum nota hann sem fyrst. Kannski spilar hann gegn Stoke. Við verðum að sjá til hvernig æfingin gengur í dag. Við erum mjög ánægðir að fá hann til baka,“ sagði Guardiola.

City á leik gegn Stoke á morgun.