Pardew spenntur fyrir WBA

Alan Pardew er talinn líklegasti arftaki Tony Pulis sem stjóri WBA og þjálfarinn hefur lýst yfir áhuga á starfinu.

Hinn 56 ára gamli Pardew segir að starfið sé spennandi. Starfið hefur verið á lausu í viku eða síðan Pulis var rekinn. Gary Megson hefur stýrt liðinu síðustu vikuna og náði 1-1 jafntefli gegn Tottenham.

„Það er fullt af góðum leikmönnum þarna og þarna er gott tækifæri,“ sagði Pardew en hann hefur verið í viðræðum við félagið. Hann hefur verið atvinnulaus í rúmt ár eða síðan hann var rekinn frá Crystal Palace.

Slaven Bilic kom til greina í starfið en hann hafði engan áhuga á því.