Þriðja súperbyrjunin hjá Liverpool í Meistaradeildinni í vetur

Liverpool komst í 3-0 á fyrstu 18 mínútunum á móti Spartak Moskvu á Anfield í kvöld en þetta lokaleikur liðanna í riðlakeppni Meistaradeildarinnar.

Liverpool tryggir sér sigur í riðlinum með sigri en þarf annars betri úrslit en Sevilla til að gulltryggja sæti sitt í sextán liða úrslitunum.

Þetta er þriðja skiptið sem Liverpool nær svona súperbyrjun í Meistardeildinni á þessu tímabili.

El Liverpool en esta fase de grupos...

> A los 18'55'' ya ganaba 0-3 en Eslovenia.

> A los 29'29'' ya ganaba 0-3 en Sevilla.

> A los 17'59'' ya le ganaba 3-0 al Spartak en Anfield.

— MisterChip (Alexis) (@2010MisterChip) December 6, 2017

Philippe Coutinho (2 mörk) og Roberto Firmino (1 mark) komu Liverpool í 3-0 á fyrstu 17 mínútunum og 59 sekúndunum á Anfield í kvöld.

Roberto Firmino, Philippe Coutinho og Mohamed Salah komu Liverpool í 3-0 á fyrstu 18 mínútunum og 55 sekúndunum á móti Maribor í Slóveníu en Liverpool vann leikinn á endanum 7-0.

Roberto Firmino (2 mörk) og Sadio Mané komu Liverpool í 3-0 á fyrstu 29 mínútunum og 29 sekúndunum á móti Sevilla á Spáni en Liverpool missti þann leik niður í 3-3 jafntefli.