Guðni þakkaði Svíakonungi fyrir lánið á Lars Lagerbäck Atli Ísleifsson skrifar 17. janúar 2018 12:45 Forsetahjónin mættu til sænsku konungshallarinnar um hádegisbil. Vísir/Atli Ísleifsson Þriggja daga opinber heimsókn Guðna Th. Jóhannessonar forseta og Elizu Reid forsetafrúar til Svíþjóðar hófst í dag þegar sænsku konungshjónin tóku á móti forsetahjónunum í Stokkhólmi. Heimsóknin hófst á því að Karl Gústaf Svíakonungur og Silvía drottning tóku á móti forsetahjónunum í konunglega hesthúsinu og var hjónunum svo ekið í hestvagni í móttöku í garði konungshallarinnar þar sem fulltrúar sænsku ríkisstjórnarinnar og þingsins voru í hópi viðstaddra. Deginum mun ljúka á hátíðarkvöldverði til heiðurs forsetahjónunum þar sem fjölmargir Íslendingar og Svíar úr hinum ýmsu geirum þjóðlífsins verða meðal gesta. Upptöku frá blaðamannafundi Guðna og Karls Gústafs Svíakonungs má sjá hér að neðan. Ræðir við þingforseta og forsætisráðherra Karl Gústaf og Guðni ræddu við við fréttamenn í Konungshöllinni áður en konungshjónin og forsetahjónin fengu sér hádegisverð saman. Konungurinn minntist á hvað samstarf ríkjanna, bæði á sviði stjórnmála, efnahagsmála og menningarmála. Hann sagðist hlakka til dagskrárinnar næstu daga og að þjóðirnar gætu lært margt hvor af annarri. Guðni og Karl Gústaf í sænsku konungshöllinni.Vísir/Atli Guðni flutti sína ræðu á sænsku og minntist á hvað vel sé tekið á móti Íslendingum í Svíþjóð. Þúsundir Íslendinga hafi stundað nám eða starfað í Svíþjóð þar sem sumir hafi sest að til frambúðar á meðan aðrir hafi snúið aftur með góðar minningar í farteskinu. Þá minntist hann á íslenska íþróttaþjálfara sem hafi gert það gott í Svíþjóð, meðal annars Elísabetu Gunnarsdóttir, þjálfara Kristiansstad, og Kristján Andrésson, þjálfara sænska handboltalandsliðsins. Þá ræddi Guðni einnig um Svíann Lars Lagerbäck og hve vel honum hafi tekist til sem þjálfari karlalandsliðsins í knattspyrnu. Væru margir sem héldu því fram að þökk sé honum hafi tekist að finna réttu blönduna af sænskri kerfishugsun og íslenskri einstaklingshyggju. Utanríkisráðherrarnir funda Á sama tíma og konungshjónin og forsetahjónin fá sér hádegisverð býður Margot Wallström, utanríkisráðherra Svíþjóðar, Guðlaugi Þór Þórðarsyni utanríkisráðherra sem og fleirum úr íslensku sendinefndinni í hádegisverð í húsakynnum sænska utanríkisráðuneytisins. Upphaflega stóð til að Viktoría krónprinsessa og Daníel prins myndi vera viðstödd hádegisverð konungshjónanna og forsetahjónanna en vegna veikinda hafa þau neyðst til að afboða sig í hádegisverðinn og hátíðarkvöldverðinn sem skipulagður er í kvöld. Er það meðal annars gert af virðingu við þá íþróttamenn sem þar verða viðstaddir. Að hádegisverði loknum mun Guðni eiga fundi bæði með Urban Ahlin, forseta sænska þingsins, og síðar Stefan Löfven, forsætisráðherra Svíþjóðar. Íslenski fáninn er áberandi í miðbæ Stokkhólms í tilefni heimsóknarinnar.Vísir/Atli Ísleifsson Ræða þýðingarElísa og Silvía drottning munu heimsækja bókasafn Konungshallarinnar áður en leiðin liggur til Borgarbókasafns Stokkhólms þar sem þær taka þátt í málstofu um bókmenntir, þýðingar og mikilvægi þýðandans. Eliza mun þar flytja opnunarerindi, titlað Bækur byggja brýr. HátíðarkvöldverðurHátíðarkvöldverðurinn verður svo í Konungshöllinni og hefst klukkan 20 að sænskum tíma, eða 19 að íslenskum tíma. Dagskrá heimsóknar Guðna og Elizu er þétt þar sem áhersla verður meðal annars lögð á sameiginlega sögu ríkjanna, gildi og menningu, sjálfbærni og samstarf á sviði rannsókna. Á morgun verða forsetahjónin áfram í Stokkhólmi, en á þriðja og síðasta degi heimsóknarinnar verður haldið til Uppsala. Sendinefnd ÍslandsOpinber sendinefnd Íslands í ferðinni er þannig skipuð: Guðni Th. Jóhannesson forseti og Eliza Jean Reid forsetafrú Guðlaugur Þór Þórðarson utanríkisráðherra og Ágústa Johnson, eiginkona utanríkisráðherra Örnólfur Thorsson forsetaritari Estrid Brekkan, sendiherra Íslands í Svíþjóð Sturla Sigurjónsson, ráðuneytisstjóri í utanríkisráðuneytinu Árni Sigurjónsson, skrifstofustjóri á skrifstofu forseta Íslands Borgar Þór Einarsson, aðstoðarmaður utanríkisráðherra Unnur Anna Valdimarsdóttir, professor í faraldsfræði við Læknadeild Háskóla Íslands Inga Dóra Sigfúsdóttir, prófessor við Háskólann í Reykjavík Gísli Sigurðsson, rannsóknarprófessor á Stofnun Árna Magnússonar í íslenskum fræðum Ragna Þórhallsdóttir, deildarstjóri á skrifstofu forseta Íslands Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu Forseti Íslands Norðurlönd Guðni Th. Jóhannesson Landslið karla í fótbolta Svíþjóð Karl Gústaf XVI Svíakonungur Mest lesið Lýsa miklum troðningi, átökum og gráti á FM95BLÖ Innlent Stutt pása hleypti öllu í bál og brand Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Þrír fluttir á bráðamóttökuna af tónleikum FM95BLÖ Innlent Sprengjuflugvélar loga víða í Rússlandi Erlent „Glatað að heyra af því að fólk hafi meitt sig“ Innlent „Okkur þykir það mjög miður að þessar aðstæður hafi skapast“ Innlent Kosti tugi milljóna að hirða yfirgefin húsgögn Innlent Tveir löðrungar og fall líklega ekki orsök andlátsins Innlent „Hann vildi ekki klaga, klaga hvern þá?“ Innlent Fleiri fréttir Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Sjá meira
Þriggja daga opinber heimsókn Guðna Th. Jóhannessonar forseta og Elizu Reid forsetafrúar til Svíþjóðar hófst í dag þegar sænsku konungshjónin tóku á móti forsetahjónunum í Stokkhólmi. Heimsóknin hófst á því að Karl Gústaf Svíakonungur og Silvía drottning tóku á móti forsetahjónunum í konunglega hesthúsinu og var hjónunum svo ekið í hestvagni í móttöku í garði konungshallarinnar þar sem fulltrúar sænsku ríkisstjórnarinnar og þingsins voru í hópi viðstaddra. Deginum mun ljúka á hátíðarkvöldverði til heiðurs forsetahjónunum þar sem fjölmargir Íslendingar og Svíar úr hinum ýmsu geirum þjóðlífsins verða meðal gesta. Upptöku frá blaðamannafundi Guðna og Karls Gústafs Svíakonungs má sjá hér að neðan. Ræðir við þingforseta og forsætisráðherra Karl Gústaf og Guðni ræddu við við fréttamenn í Konungshöllinni áður en konungshjónin og forsetahjónin fengu sér hádegisverð saman. Konungurinn minntist á hvað samstarf ríkjanna, bæði á sviði stjórnmála, efnahagsmála og menningarmála. Hann sagðist hlakka til dagskrárinnar næstu daga og að þjóðirnar gætu lært margt hvor af annarri. Guðni og Karl Gústaf í sænsku konungshöllinni.Vísir/Atli Guðni flutti sína ræðu á sænsku og minntist á hvað vel sé tekið á móti Íslendingum í Svíþjóð. Þúsundir Íslendinga hafi stundað nám eða starfað í Svíþjóð þar sem sumir hafi sest að til frambúðar á meðan aðrir hafi snúið aftur með góðar minningar í farteskinu. Þá minntist hann á íslenska íþróttaþjálfara sem hafi gert það gott í Svíþjóð, meðal annars Elísabetu Gunnarsdóttir, þjálfara Kristiansstad, og Kristján Andrésson, þjálfara sænska handboltalandsliðsins. Þá ræddi Guðni einnig um Svíann Lars Lagerbäck og hve vel honum hafi tekist til sem þjálfari karlalandsliðsins í knattspyrnu. Væru margir sem héldu því fram að þökk sé honum hafi tekist að finna réttu blönduna af sænskri kerfishugsun og íslenskri einstaklingshyggju. Utanríkisráðherrarnir funda Á sama tíma og konungshjónin og forsetahjónin fá sér hádegisverð býður Margot Wallström, utanríkisráðherra Svíþjóðar, Guðlaugi Þór Þórðarsyni utanríkisráðherra sem og fleirum úr íslensku sendinefndinni í hádegisverð í húsakynnum sænska utanríkisráðuneytisins. Upphaflega stóð til að Viktoría krónprinsessa og Daníel prins myndi vera viðstödd hádegisverð konungshjónanna og forsetahjónanna en vegna veikinda hafa þau neyðst til að afboða sig í hádegisverðinn og hátíðarkvöldverðinn sem skipulagður er í kvöld. Er það meðal annars gert af virðingu við þá íþróttamenn sem þar verða viðstaddir. Að hádegisverði loknum mun Guðni eiga fundi bæði með Urban Ahlin, forseta sænska þingsins, og síðar Stefan Löfven, forsætisráðherra Svíþjóðar. Íslenski fáninn er áberandi í miðbæ Stokkhólms í tilefni heimsóknarinnar.Vísir/Atli Ísleifsson Ræða þýðingarElísa og Silvía drottning munu heimsækja bókasafn Konungshallarinnar áður en leiðin liggur til Borgarbókasafns Stokkhólms þar sem þær taka þátt í málstofu um bókmenntir, þýðingar og mikilvægi þýðandans. Eliza mun þar flytja opnunarerindi, titlað Bækur byggja brýr. HátíðarkvöldverðurHátíðarkvöldverðurinn verður svo í Konungshöllinni og hefst klukkan 20 að sænskum tíma, eða 19 að íslenskum tíma. Dagskrá heimsóknar Guðna og Elizu er þétt þar sem áhersla verður meðal annars lögð á sameiginlega sögu ríkjanna, gildi og menningu, sjálfbærni og samstarf á sviði rannsókna. Á morgun verða forsetahjónin áfram í Stokkhólmi, en á þriðja og síðasta degi heimsóknarinnar verður haldið til Uppsala. Sendinefnd ÍslandsOpinber sendinefnd Íslands í ferðinni er þannig skipuð: Guðni Th. Jóhannesson forseti og Eliza Jean Reid forsetafrú Guðlaugur Þór Þórðarson utanríkisráðherra og Ágústa Johnson, eiginkona utanríkisráðherra Örnólfur Thorsson forsetaritari Estrid Brekkan, sendiherra Íslands í Svíþjóð Sturla Sigurjónsson, ráðuneytisstjóri í utanríkisráðuneytinu Árni Sigurjónsson, skrifstofustjóri á skrifstofu forseta Íslands Borgar Þór Einarsson, aðstoðarmaður utanríkisráðherra Unnur Anna Valdimarsdóttir, professor í faraldsfræði við Læknadeild Háskóla Íslands Inga Dóra Sigfúsdóttir, prófessor við Háskólann í Reykjavík Gísli Sigurðsson, rannsóknarprófessor á Stofnun Árna Magnússonar í íslenskum fræðum Ragna Þórhallsdóttir, deildarstjóri á skrifstofu forseta Íslands Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu
Forseti Íslands Norðurlönd Guðni Th. Jóhannesson Landslið karla í fótbolta Svíþjóð Karl Gústaf XVI Svíakonungur Mest lesið Lýsa miklum troðningi, átökum og gráti á FM95BLÖ Innlent Stutt pása hleypti öllu í bál og brand Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Þrír fluttir á bráðamóttökuna af tónleikum FM95BLÖ Innlent Sprengjuflugvélar loga víða í Rússlandi Erlent „Glatað að heyra af því að fólk hafi meitt sig“ Innlent „Okkur þykir það mjög miður að þessar aðstæður hafi skapast“ Innlent Kosti tugi milljóna að hirða yfirgefin húsgögn Innlent Tveir löðrungar og fall líklega ekki orsök andlátsins Innlent „Hann vildi ekki klaga, klaga hvern þá?“ Innlent Fleiri fréttir Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Sjá meira