Teikning íslenska landsliðsins prýðir ný frímerki

Frímerki teiknað af íslenska karlalandsliðinu í fótbolta er komið út. Frímerkið var gefið út til þess að fagna þáttöku íslenska karlalandsliðsins á HM í Rússlandi í sumar. KSÍ greinir frá þessu á heimasíðu sinni.

Örn Smári Gíslason hannaði frímerkið en hver leikmaður úr landsliðshópnum teiknaði eftir teikningunni á gegnsæjan pappír. Teikningarnar voru svo allar skannaðar inn og settar saman í eina og afraksturinn prýðir frímerkið.

Þetta á að bera vitni um sterka liðsheild íslenska landsliðsins.

Hægt er að kaupa frímerkið á vef Póstsins.