Aron Einar splæsir í tattú fyrir Gumma Ben

Aron Einar Gunnarsson, fyrirliði íslenska karlalandsliðsins í fótbolta, ætlar að borga fyrir húðflúr af íslenska skjaldarmerkinu á bakið á Guðmundi Benediktssyni ef Ísland vinnur Heimsmeistaramótið í Rússlandi.

Þetta kemur fram í þættinum Fyrir Ísland sem verður frumsýndur á Stöð 2 í kvöld. Í þáttaröðinni fara þeir Gummi og Garðar Örn Arnarson um alla Evrópu og heimsækja íslensku landsliðsmennina og verður fyrirliðinn tekinn fyrir í fyrsta þætti.

Síðasta sumar opinberaði Aron Einar risa stórt húðflúr af skjaldarmerkinu sem þekur nærri allt bak hans.

„Ég ætla að fá mér skjaldarmerkið á bakið ef að við vinnum HM,“ sagði Gummi þegar hann og Aron ræddu húðflúr hins síðarnefnda.

„Það verður gaman að sjá það, ég skal borga það fyrir þig,“ sagði Aron Einar léttur í bragði.

Stutt brot úr þættinum má sjá hér að neðan en hann verður frumsýndur klukkan 20:05 í kvöld á Stöð 2 og endursýndur á Stöð 2 Sport á þriðjudaginn klukkan 21:15.

Been working on this piece for the last year or so with @gunnar_v_tattoo been looking forward to show you guys the outcome, here it is only finishing touches left #tattoo #iceland #skjaldamerkið

A post shared by Aron Gunnarsson (@arongunnarsson) on Aug 28, 2017 at 6:11am PDT