Kári Árna kveður Aberdeen

Íslenski landsliðsmaðurinn Kári Árnason, sem hefur leikið með skoska liðinu Aberdeen í vetur, mun halda á önnur mið á næsta tímabili.

Þetta tilkynnti hann á Twitter í dag en þar sendi hann frá sér skilaboð og þakkar Aberdeen fyrir sig með mynd af syni sínum sem fæddist í Skotlandi.

Kári kom til Aberdeen í annað skipti á ferlinum í sumar en náði ekki að stimpla sig almennilega inn í liðið í vetur. Skoskir fjölmiðlar greindu frá því í gær að Kára yrði ekki boðin framlenging á samningi sínum hjá Aberdeen.

Kári er einn af þeim 23 leikmönnum sem Heimir Hallgrímsson valdi í lokahópinn sem fer til Rússlands á HM enda verið lykilmaður í hjarta varnarinnar síðustu ár. Þar fær hann tækifæri á stærsta sviðinu til þess að sanna sig.

Thx for everything Aberdeen, lovely people and a great club. It’s goodbye for now from me and wee Mickey, we will hopefully return soon to his place of birth. pic.twitter.com/uzvQDGG3wf

— Kari Arnason (@karibestmeister) May 15, 2018