Kristín hættir sem ritstjóri Fréttablaðsins

Frá og með deginum í dag tekur nýtt skipurit við hjá Torgi, útgáfufélagi Fréttablaðsins. Samkvæmt frétt á vef blaðsins mun Kristín Þorsteinsdóttir útgefandi og aðalritstjóri einbeita sér að rekstri fréttastofunnar. Hún verður áfram útgefandi í aðalstarfi en ritstjórar blaðsins verða alls fjórir. Ritstjórar Fréttablaðsins verða Kjartan Hreinn Njálsson og Ólöf Skaftadóttir og Sunna Karen Sigurþórsdóttir sem hefur ritstýrt vefútgáfu Fréttablaðsins og Hörður Ægisson mun áfram ritstýra Markaðnum, viðskiptablaði Fréttablaðsins.

Einnig var tilkynnt í dag að stofnuð hefur verið ný deild, Stafræn verkefni, IT og markaðsmál og mun Jóhanna Helga Viðarsdóttir stýra henni. Sigrún L. Sigurjónsdóttir mun áfram stýra fjármálasviði og Elmar Hallgríms Hallgrímsson sölu, greiningum og dreifingu. Ingibjörg Stefanía Pálmadóttir er forstjóri Torgs.