Sumarmessan: „Kólumbía með besta sóknartríó í heiminum“

Dynamo þrasið var að sjálfsögðu á sínum stað í Sumarmessunni í gærkvöldi en þar stýrði Benedikt Valsson þrasinu skemmtilega.

Fyrst var tekist á um hverjir vinna HM en Geir hafði mikla trú á sínum mönnum í Kólumbíu. Reynir og Hjörvar voru ekki eins vissir.

„Kólumbía er með besta sóknartríó í heiminum i dag,” sagði Geir og Hjörvar var nú ekki eins sammála því. Reynir kom mönnum á óvart í settinu og sagði Argentína.

Næst var spurt hvort að það væri líf eftir HM og allir spekingarnir þrír voru sammála því að það væri svo sannarlega. Næsta verkefni væri Þjóðardeildin.

Allt þrasið má sjá hér að ofan þar sem farið er ofan í kjölin á málefnum líðandi stundar.