Sumarmessan: Átti Albert að koma inn á?

Dynamó þrasið var að sjálfsögðu á sínum stað í Sumarmessunni eftir leik Íslands og Nígeríu.

Stjórnandi Sumarmessunnar er Benedikt Valsson en með honum í þættinum voru þeir Hjörvar Hafliðason, Gunnleifur Gunnleifsson og Jóhannes Karl Guðjónsson.

Átti Albert Guðmundsson að koma inn á gegn Nígeríu og er Instagram að trufla landsliðsmennina var meðal þeirra spurninga sem ræddar voru.

„Að mínu mati átti Albert að koma inn á, ég veit ekki hvers vegna hann ætti ekki að hafa komið inn á. Menn voru orðnir þreyttir og það vantaði einhvern skapandi, einhvern ferskan,“ sagði Gunnleifur Gunnleifsson.

„Nei nei, ég held að hann hefði ekki breytt neinu,“ sagði þá Hjörvar Hafliðason.

Umræður þeirra má sjá í spilaranum hér að ofan en Sumarmessan er á dagskrá á Stöð 2 Sport klukkan 21:00 að kvöldi hvers leikdags á HM.