Slæmur lokahringur hjá Ólafíu

Ólafía Þórunn Kristinsdóttir lék í dag lokahringinn á Marathon Classic mótinu sem er hluti af LPGA mótaröðinni. Ólafía náði sér ekki á strik og kom inn á 4 höggum yfir pari og lauk leik á pari eftir hringina fjóra.

Ólafía fékk alls 4 skolla á hring dagsins og 14 pör en hún var ekki að slá jafn vel og fyrstu þrjá hringina.

Þegar fréttin er skrifuð er Ólafía jöfn í 56. sæti en hún endaði í 45. sæti í þessu sama móti í fyrra.

Efstu kylfingar mótsins eru nú farnir af stað á lokahringnum en Brooke M. Henderson leiddi fyrir lokahringinn á 11 höggum undir pari.

Hér er hægt að sjá stöðuna í mótinu.