Sex manna íslensk fjölskylda þurfti að taka lán fyrir gistingu eftir að hafa misst af flugi WOW vegna brunabjöllu Birgir Olgeirsson skrifar 23. júlí 2018 16:13 Hjónin Sandra Ríkey Önnudóttir og Kolbrún Nadira Árnadóttir. Vísir Sex manna fjölskylda þurfti að taka lán til að eiga fyrir hótelgistingu í Edinborg í Skotlandi eftir að hafa verið meinað að fara um borð í flugvél WOW Air á laugardag. Brunabjalla hafði farið í gang á flugvellinum sem varð til þess að fjölskyldan tafðist um 30 mínútur á leið sinni að brottfararhliðinu. Þegar að hliðinu var komið var þeim tilkynnt að þau mættu ekki fara um borð í vélina, þau væru einfaldlega of sein, þrátt fyrir að hafa fengið svör frá flugvallarstarfsmönnum að öllu yrði seinkað eftir að brunakerfið fór af stað og þau myndu komast í vélina. Kolbrún Nadira Árnadóttir segir frá þessu á Facebook-síðu sinni en hún var á ferðalagi til Edinborgar ásamt eiginkonu sinni Söndru Ríkey Önnudóttur og fjórum börnum þeirra.Tilkynnt að vélin myndi ekki fara án þeirra Eftir að hafa verið meinað að fara um borð í vélina var Kolbrúnu og Söndru tilkynnt að finna þyrfti annað flug til Íslands og þær þyrftu að útvega sér sjálfar hótelgistingu fram að brottför. Þeim var tjáð að halda í allar kvittanir en ekkert loforð fékkst um að hótelgistingin yrði endurgreidd. Kolbrún lýsir mikilli ringulreið á flugvellinum þegar brunabjallan fór í gang. Flugvallarstarfsmennirnir tilkynntu öllum að halda kyrru fyrir en Kolbrún segir þær hafa greint þeim frá því að þær væru að verða of seinar í flug og myndu mögulega missa af því ef þær fengju ekki að fara í gegn. „Þau sögðu að allt væri on hold og að flugvélin myndi ekki fara án okkar og allt myndi seinka,“ segir Kolbrún og tekur fram að þær hefðu verið skammt frá landganginum. Þegar þær loksins komust að landganginum var þeim tilkynnt að búið væri að taka farangur þeirra úr vélinni því þær hefðu ekki náð í vélina í tæka tíð. „Vélin var enn við landganginn en flugmaðurinn var búinn að ákveða að hleypa okkur ekki inn,“ segir Kolbrún.„Allir brustu í grát“ Þær reyndu að útskýra mál sitt en fengu ekki að fara um borð. „Allir brustu í grát vegna geðshræringar en okkur var bara bent hvert við ættum að fara og ekki sýnt það eða neitt. Loksins eftir að hafa fundið farangurinn náði ég í WOW og auðvitað bara hægt að tala við einhvern á ensku sem sagði mér eftir langt samtal að hann fyndi ekki bókunina og ég ætti að fara á Switcboard og breyta flugi. Loksins fann ég það og þau sögðu að þeir geta ekki gert neitt fyrir WOW og ég ætti að hringja í þá aftur. Eftir klukkutíma símtal við 2 starfsmenn fengum nýtt flug en ekki fyrr en 24. júlí. Áttum að redda okkur sjálf þangað til og það er ekki víst að við fáum að sitja saman eða hótel endurgreitt,“ skrifar Kolbrún.Börn Kolbrúnar og Söndru.AðsendVísir heyrði í Kolbrúnu fyrr í dag en fjölskyldan er enn í Edinborg og brottför ekki fyrr en á morgun. Hún segist ekki vera leið yfir að vera í Edinborg en leið yfir aðstæðunum sem þær voru settar í með börnin. Hún segir syni sína hafa orðið hrædda við eldvarnirnar og grátið og svo grétu allir þegar í ljós kom að þau fengu ekki að fara í flugvélina. „Svo á maður bara að redda sér með engum fyrirvara gistingu fyrir 6 sem ég gerði og tók lán hjá netgíró til að borga. En ég má víst stofna kröfu en það er ekkert víst að við fáum hótelið endurgreitt,“ segir Kolbrún.Athuga hvort WOW sé bótaskylt Vísir sendi fyrirspurn á WOW Air vegna málsins en í svörum fyrirtækisins kemur fram að þessi tiltekna fjölskylda hefði ekki komist að hliðinu í tæka tíð og því ekki hleypt um borð. Innritun farþega ljúki fimmtán mínútum fyrir brottför. WOW segist hafa tekið tillit til þeirra aðstæðna sem komu upp og færði fjölskylduna strax í næsta flug frá Edinborg en því miður ekki fyrr en á morgun, 24. júlí. Var fjölskyldan beðin um að skila inn kröfu fyrir þeim kostnaði sem hún hefur þurft að leggja út. Þegar henni verður skilað verður farið yfir hvort WOW air sé bótaskylt í þessu tilfelli samkvæmt lögum. Kolbrún tekur fram í samtali við Vísi að hún gat ekki bókað gistingu hvar sem er, verandi með sex manna fjölskyldu og með skömmum fyrirvara. Það var því ekki í boði að fara á ódýrt farfuglaheimili með fjögur börn. Hún tekur einnig fram að hún hefði verið búin að borga fyrir ákveðin sæti í vélinni en nú viti hún ekki hvort þau muni sitja saman eða vera nálægt hvort öðru. Álagið sem myndaðist var þar að auki mikið. „Konan mín er kvíðasjúklingur og flughrædd svo núna kvíðir hún fyrir fluginu á morgun því við eigum engin sæti eða neitt.“ Fréttir af flugi WOW Air Mest lesið Stúlka í sjóinn við Reynisfjöru Innlent Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Að bugast á hálf nöktum ferðamönnum og beita sektum Erlent Stúlka flutt á sjúkrahús eftir fall í sjóinn við Reynisfjöru Innlent „Fordæmalaus hitabylgja“ leikur Skandínava grátt Erlent „Varla gangfær“ og „skulfu eins og hríslur“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Herjólfur siglir ekki meira í dag Innlent Fleiri fréttir Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Sjá meira
Sex manna fjölskylda þurfti að taka lán til að eiga fyrir hótelgistingu í Edinborg í Skotlandi eftir að hafa verið meinað að fara um borð í flugvél WOW Air á laugardag. Brunabjalla hafði farið í gang á flugvellinum sem varð til þess að fjölskyldan tafðist um 30 mínútur á leið sinni að brottfararhliðinu. Þegar að hliðinu var komið var þeim tilkynnt að þau mættu ekki fara um borð í vélina, þau væru einfaldlega of sein, þrátt fyrir að hafa fengið svör frá flugvallarstarfsmönnum að öllu yrði seinkað eftir að brunakerfið fór af stað og þau myndu komast í vélina. Kolbrún Nadira Árnadóttir segir frá þessu á Facebook-síðu sinni en hún var á ferðalagi til Edinborgar ásamt eiginkonu sinni Söndru Ríkey Önnudóttur og fjórum börnum þeirra.Tilkynnt að vélin myndi ekki fara án þeirra Eftir að hafa verið meinað að fara um borð í vélina var Kolbrúnu og Söndru tilkynnt að finna þyrfti annað flug til Íslands og þær þyrftu að útvega sér sjálfar hótelgistingu fram að brottför. Þeim var tjáð að halda í allar kvittanir en ekkert loforð fékkst um að hótelgistingin yrði endurgreidd. Kolbrún lýsir mikilli ringulreið á flugvellinum þegar brunabjallan fór í gang. Flugvallarstarfsmennirnir tilkynntu öllum að halda kyrru fyrir en Kolbrún segir þær hafa greint þeim frá því að þær væru að verða of seinar í flug og myndu mögulega missa af því ef þær fengju ekki að fara í gegn. „Þau sögðu að allt væri on hold og að flugvélin myndi ekki fara án okkar og allt myndi seinka,“ segir Kolbrún og tekur fram að þær hefðu verið skammt frá landganginum. Þegar þær loksins komust að landganginum var þeim tilkynnt að búið væri að taka farangur þeirra úr vélinni því þær hefðu ekki náð í vélina í tæka tíð. „Vélin var enn við landganginn en flugmaðurinn var búinn að ákveða að hleypa okkur ekki inn,“ segir Kolbrún.„Allir brustu í grát“ Þær reyndu að útskýra mál sitt en fengu ekki að fara um borð. „Allir brustu í grát vegna geðshræringar en okkur var bara bent hvert við ættum að fara og ekki sýnt það eða neitt. Loksins eftir að hafa fundið farangurinn náði ég í WOW og auðvitað bara hægt að tala við einhvern á ensku sem sagði mér eftir langt samtal að hann fyndi ekki bókunina og ég ætti að fara á Switcboard og breyta flugi. Loksins fann ég það og þau sögðu að þeir geta ekki gert neitt fyrir WOW og ég ætti að hringja í þá aftur. Eftir klukkutíma símtal við 2 starfsmenn fengum nýtt flug en ekki fyrr en 24. júlí. Áttum að redda okkur sjálf þangað til og það er ekki víst að við fáum að sitja saman eða hótel endurgreitt,“ skrifar Kolbrún.Börn Kolbrúnar og Söndru.AðsendVísir heyrði í Kolbrúnu fyrr í dag en fjölskyldan er enn í Edinborg og brottför ekki fyrr en á morgun. Hún segist ekki vera leið yfir að vera í Edinborg en leið yfir aðstæðunum sem þær voru settar í með börnin. Hún segir syni sína hafa orðið hrædda við eldvarnirnar og grátið og svo grétu allir þegar í ljós kom að þau fengu ekki að fara í flugvélina. „Svo á maður bara að redda sér með engum fyrirvara gistingu fyrir 6 sem ég gerði og tók lán hjá netgíró til að borga. En ég má víst stofna kröfu en það er ekkert víst að við fáum hótelið endurgreitt,“ segir Kolbrún.Athuga hvort WOW sé bótaskylt Vísir sendi fyrirspurn á WOW Air vegna málsins en í svörum fyrirtækisins kemur fram að þessi tiltekna fjölskylda hefði ekki komist að hliðinu í tæka tíð og því ekki hleypt um borð. Innritun farþega ljúki fimmtán mínútum fyrir brottför. WOW segist hafa tekið tillit til þeirra aðstæðna sem komu upp og færði fjölskylduna strax í næsta flug frá Edinborg en því miður ekki fyrr en á morgun, 24. júlí. Var fjölskyldan beðin um að skila inn kröfu fyrir þeim kostnaði sem hún hefur þurft að leggja út. Þegar henni verður skilað verður farið yfir hvort WOW air sé bótaskylt í þessu tilfelli samkvæmt lögum. Kolbrún tekur fram í samtali við Vísi að hún gat ekki bókað gistingu hvar sem er, verandi með sex manna fjölskyldu og með skömmum fyrirvara. Það var því ekki í boði að fara á ódýrt farfuglaheimili með fjögur börn. Hún tekur einnig fram að hún hefði verið búin að borga fyrir ákveðin sæti í vélinni en nú viti hún ekki hvort þau muni sitja saman eða vera nálægt hvort öðru. Álagið sem myndaðist var þar að auki mikið. „Konan mín er kvíðasjúklingur og flughrædd svo núna kvíðir hún fyrir fluginu á morgun því við eigum engin sæti eða neitt.“
Fréttir af flugi WOW Air Mest lesið Stúlka í sjóinn við Reynisfjöru Innlent Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Að bugast á hálf nöktum ferðamönnum og beita sektum Erlent Stúlka flutt á sjúkrahús eftir fall í sjóinn við Reynisfjöru Innlent „Fordæmalaus hitabylgja“ leikur Skandínava grátt Erlent „Varla gangfær“ og „skulfu eins og hríslur“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Herjólfur siglir ekki meira í dag Innlent Fleiri fréttir Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Sjá meira