HK á toppinn eftir áttunda sigurinn

HK er enn ósigrað í fyrstu deild karla eftir að liðið vann 1-0 sigur á Magna á Grenivík í dag í Inkasso-deild karla.

Eina mark leiksins kom á 36. mínútu er Bjarni Gunnarsson skoraði sitt sjötta mark í sumar. Lokatölur 1-0.

Sjá einnig -Brynjar Björn: Ræðst í september

HK er á toppnum eftir tólf leiki. Þeir eru með 28 stig, Þór er í öðru sætinu með 26 stig og ÍA er í þriðja sætinu með 24 stig.

Magni er hins vegar í bullandi veseni. Þeir eru á botninum með sex stig, fjórum stigum frá öruggu sæti er tíu leikir eru eftir.