Þrjú keppa fyrir Ísland á EM í sundi í Glasgow

Sundsamband Íslands sendir þrjá keppendur á Evrópumeistaramótið í sundi í 50 metra laug sem hefst á föstudaginn í Glasgow í Skotlandi.

Sundmennirnir sem keppa fyrir Ísland á mótinu eru Anton Sveinn McKee, Predrag Milos úr SH og sundkonan Eygló Ósk Gústafsdóttir, sem hefur æft í Svíþjóð á síðasta ári.

Þetta verður fyrsta stórmótið í langan tíma þar sem sundkonan Hrafnhildur Lúthersdóttir er ekki meðal keppenda en hún hefur hætt keppni.

Anton Sveinn McKee mun synda fyrstur en hann hefur keppni á föstudagsmorguninn í undanrásum í 100 metra bringusundi.

Þjálfari íslenska hópsins er Jacky Pellerin, fararstjóri er Málfríður Sigurhansdóttir og Unnur Sædís Jónsdóttir er sjúkraþjálfari hópsins.

Dagskrá íslenska hópsins er:

Föstudagurinn 3. ágúst:

Anton Sveinn McKee 100 metra bringusund

Laugardagur 4. ágúst:

Eygló Ósk 50 metra baksund

Mánudagur 6. águst

Eygló Ósk 100 metra baksund

Miðvikudagur 8. ágúst

Predrag Milos 50 metra skriðsund