Sara Björk komin aftur en engin Dagný

Freyr Alexandersson, landsliðsþjálfari kvenna í fótbolta, valdi í dag hópinn sem mætir Þýskalandi og Tékklandi í síðustu leikjum liðsins í undankeppni HM 2019. Leikirnir fara fram á Laugardalsvellinum 1. og 4. september.

Sara Björk Gunnarsdóttir er komin aftur eftir meiðslin sem að hún varð fyrir í úrslitaleik Meistaradeildarinnar en hún er á fullu á undirbúningstímabilinu með Wolfsburg. Aftur á móti er Dagný Brynjarsdóttir ekki farin af stað eftir barnsburð en hún hefur verið á varamannabekknum hjá Selfossi í síðustu tveimur leikjum.

Alexandra Jóhannsdóttir, leikmaður Breiðabliks, er nýliði í hópnum sem og Stjörnukonan Telma Hjaltalín Þrastardóttir en báðar hafa spilað vel í Pepsi-deildinni í sumar. Freyr verður án markahróksins Hörpu Þorsteinsdóttur sem meiddist í bikarúrslitaleik Breiðabliks og Stjörnunnar á föstudagskvöldið.

Ef íslenska liðið nær jafntefli á móti Þýskalandi í fyrri leiknum kemst það beint á HM með sigri á Tékkum 4. september en það yrði í fyrsta skipti sem kvennalandsliðið kemst á heimsmeistaramótið í fótbolta.

Beina útsendingu frá fundinum má finna hér.

Hópurinn á móti Tékklandi og Þýskalandi:

Markverðir:

Guðbjörg Gunnarsdóttir, Djurgarden

Sandra Sigurðardóttir, Val

Sonný Lára Þráinsdóttir, Breiðabliki

Aðrir leikmenn:

Agla María Albertsdóttir, Breiðabliki

Alexandra Jóhannsdóttir, Breiðabliki

Anna Björk Kristjánsdóttir, LB07

Anna rakel Pétursdóttir, Þór/KA

Berglind Björg Þorvaldsdóttir, Breiðabliki

Elín Metta Jensen, Val

Fanndís Friðriksdóttir, Val

Glódís Perla Viggósdóttir, Rosengård

Guðrún Arnardóttir, Breiðabliki

Gunnhildur Yrsa Jónsdóttir, Utah Royals,

Rakel Hönnudóttir, LB07

Hallbera G. Gísladóttir, Val

Ingibjörg Sigurðardóttir, Djurgården

Sandra María Jessen, Þór/KA

Sandra Sigurðardóttir, Val

Sara Björk Gunnarsdóttir, Wolfsburg

Selma Sól Magnúsdóttir, BReiðabliki

Sif Atladóttir, Kristianstad

Sigríður Lára Garðarsdóttir, Lilleström

Svava Rós Guðmundsdóttir, Roa

Telma Hjaltalín Þrastardóttir, Stjörnunni