Útkall frá Tyrklandi: Theódór Elmar kemur inn fyrir Jóhann Berg

Erik Hamrén, þjálfari íslenska karlalandsliðsins í fótbolta hefur þurft að gera breytingu á landsliðshópnum fyrir leikina á móti Sviss og Belgíu í Þjóðadeildinni.

Jóhann Berg Guðmundsson er meiddur og fær ekki leyfi frá Burnley til að koma til móts við íslenska landsliðið.

Erik Hamrén kallaði á Theódór Elmar Bjarnason inn í hópinn í hans stað. Þetta kemur fram á heimasíðu Knattspyrnusambands Íslands.

Theódór Elmar Bjarnason er 31 árs gamall miðjumaður sem hefur líka verið að leysa stöðu bakvarðar og kantmanns með íslenska landsliðinu.

Erik Hamrén has had to make a change to the squad for the games against Switzerland and Belgium.

Johann Berg Gudmundsson is injured.

Theodor Elmar Bjarnason replaces him.#fyririslandpic.twitter.com/zztq2nexvS

— Knattspyrnusambandið (@footballiceland) August 30, 2018

Theódór Elmar spilar nú með tyrkneska b-deildarfélaginu Elazigspor og hefur gert það frá 2017. Hann var áður hjá AGF í Danmörku en er uppalinn KR-ingur.

Elmar var ekki í HM-hópi Íslands í sumar en á að bakui 40 landsleiki fyrir A-liðið.