Golf

Justin Rose í forystu eftir fyrsta hring

Ástrós Ýr Eggertsdóttir skrifar
Rose á hringnum í gær
Rose á hringnum í gær Vísir/Getty
Englendingurinn Justin Rose er með eins höggs forystu eftir fyrsta hring á Dell Technologies mótinu í golfi. Mótið er hluti af úrslitakeppni PGA mótaraðarinnar.

Rose fór fyrsta hringinn á sex höggum undir pari. Hann spilaði óaðfinnanlega og fékk ekki einn einasta skolla á hringnum, sex fugla og 12 pör.

Fast á hæla Rose koma Skotinn Russel Knox og Abraham Ancer frá Mexíkó á fimm höggum undir pari.

 





Tiger Woods náði sér ekki nógu vel á strik í gær og er á einu höggi yfir pari. Norður-Írinn Rory McIlroy er á parinu.

Sigurvegari síðasta móts, Bryson DeChambeau, sem var fyrir mótið í fyrsta sæti á FedEx stigalistanum, er á einu höggi undir pari.

Annar hringurinn er leikinn í dag og hefst útsendingin á Golfstöðinni kklukkan 19:00.

Golf

Mest lesið


Fleiri fréttir

Sjá meira


×

Mest lesið