Skuldabréfaútboði WOW air lýkur í dag. Unnið er að því að afla aukins fjármagns og vonir standa til að heildarstærð skuldabréfaútgáfunnar verði tæplega 60 milljónir evra.
Félagið stefnir að því að sækja allt að þrjú hundruð milljónir dala, eða sem nemur 33 milljörðum króna, í hlutafjárútboði innan 18 mánaða að sögn Skúla Mogensen, eiganda og forstjóra. Þetta segir Skúli í samtali við Financial Times.
Líklegt er að útboði verði vel fagnað af Skúla, enda fagnar hann 50 ára afmæli í dag.
