Verð á ökuskírteinum hækkar um þriðjung

Verði frumvarp Bjarna Benediktssonar fjármálaráðherra að lögum munu vegabréf, ökuskírteini, sakavottorð og lögskilnaðarleyfi verða dýrari. Í greinargerð með frumvarpinu, sem lagt er fram samhliða fjárlögum ársins, segir að „brýn þörf“ sá á verðlagshækkununum.

Gjöldin hafi mörg hver verið óbreytt frá 2010, en á þeim tíma hafi vísitala neysluverðs hækkað um tæplega 30 prósent. Að sama skapi hafi laun hækkað um 70 prósent á þessu tímabili.

Gert er ráð fyrir því að ýmis dómstólagjöld hækki við samþykkt frumvarpsins, eins og fræðast má um hér, en meðal annarra hækkana má nefna:

Útgáfa hefðbundins vegabréfs hækkar úr 5900 krónum í 8000 krónur. 

Útgáfa vegbréfa fyrir fólk á aldrinum 18 til 66 ára hækkar úr 12300 krónum í 13000 krónur. 

Lögskilnaðarleyfi hækka úr 4700 krónum í 6000 krónur.

Þinglýsing skjala hækkar úr 2000 krónum í 2500 krónur.

Sakavottorð hækkar úr 2000 krónum í 2500 krónur.

Ætlað er að hækkanirnar muni skila ríkissjóði um 500 milljónum króna á ári.