Hælspyrna Alfreðs tilnefnd sem mark mánaðarins

Hælspyrna Alfreðs Finnbogasonar er tilnefnt sem eitt af mörkum mánaðarins í Þýskalandi af sjónvarpsstöðinni ARD.

Alfreð skoraði þrennu í fyrsta leik sínum á tímabilinu með Augsburg en hann er að koma til baka eftir meiðsli. Fyrsta mark Alfreðs í leiknum var af glæsilegri gerðinni, hælspyrna upp við stöngina.

Fimm mörk eru tilnefnd sem mark mánaðarins. Mark Alfreðs er það eina úr Bundesligunni, þrjú eru úr leikjum B-deildarinnar og eitt úr kvennadeildinni.

Hægt er að kjósa mark Alfreðs hér.