Erfið staða hjá Glódísi

Rosengård, með Glódísi Perlu Viggósdóttur í hjarta varnarinnar, eru í vandræðum eftir fyrri leikinn gegn Slavia Prag í 16-liða úrslitum Meistaradeildar Evrópu.

Rosengård tapaði heimaleiknum í kvöld 3-2 en Glódís Perla spilaði allan leikinn í vörn Rosengård. Leikið var í Malmö.

Slavia komst yfir á fjórtándu mínútu áður en hin norska Lisa-Marie Utland jafnaði átta mínútum síðar.

Aftur komust getsirnir yfir fyrir hlé en í upphafi síðari hálfeliks jafnaði hin magnaða Anja Mittag metin.

Gestirnir frá Prag skoruðu þó sigurmarkið á 57. mínútu og lokatölur 3-2 sigur Slavia. Erfitt verkefni bíður Rosengård í síðari leiknum.