Sara Björk með annan fótinn í 8-liða úrslit Meistaradeildarinnar

Sara Björk Gunnarsdóttir lék allan leikinn er Wolfsburg vann 4-0 sigur á Atletico Madrid í fyrri leik liðanna í 16-liða úrslitum Meistaradeildar Evrópu.

Staðan var markalaus í hálfleik en sigurliðið frá því í fyrra, Wolfsburg, setti í fluggír í síðari hálfleik þar sem þær skoruðu fjögur mörk.

Danska landsliðskonan Pernilla Harder skoraði tvö mörk, hin pólska Ewa Pajor eitt og Caroline Hansen frá Noregi eitt. Lokatölur 4-0 og Wolfsburg í ansi góðum málum fyrir síðari leikinn á Spáni.

Sigríður Lára Garðarsdóttir var ónotaður varamaður er Lilleström tapaði fyrri leiknum gegn Bröndby, 2-1, í sömu keppni. Síðari leikurinn verður spilaður í Danmörku eftir tvær vikur.