Fótbolti

Alfreð í byrjunarliði í markalausu jafntefli

Dagur Lárusson skrifar
Alfreð Finnbogason.
Alfreð Finnbogason. vísir/getty
Alfreð Finnbogason var í byrjunarliði Augsburg þegar liðið gerði markalaust jafntefli gegn RB Leipzig í þýska boltanum í dag.

 

Alfreð var þó skipt af velli eftir 58. mínútu og náði því ekki að setja mark sitt á leikinn.

 

Bayern München fóru í heimsókn til Wolfsburg í stærsta leik dagsins þar sem Robert Lewandowski kom Bayern yfir á 30. mínútu leiksins og var staðan 0-1 í hálfleiknum.

 

Það tók Pólverjann síðan ekki langan tíma í seinni hálfeiknum að bæta við öðru marki sínu og öðru marki Bayern en það gerðist strax á 48. mínútu leiksins og stefndi allt í öruggan sigur Bayern.

 

Það var hinsvegar aðeins nokkrum mínútum seinna þar sem Arjen Robben fékk að líta sitt annað gula spjald og því rautt og eftir það færðist spennan í leikinn.

 

Nokkrum mínútum eftir brottreksturinn náði Wolfsburg að minnka muninn með marki frá Wout Weghorst og því æsispennandi lokamínútur í vændum.

 

Liðsmenn Bayern náðu þó að halda út og gott betur því þeir bættu við öðru marki og var það James sem skoraði markið.

 

Úrslit dagsins:

Nürnberg 1-3 Hoffenheim

Bayer Leverkusen 1-2 Hannover 96

Augsburg 0-0 RB Leipzig

Stuttgart 0-4 Borussia Dortmund

Wolfsburg 1-3 Bayern München 

 

Þýski boltinn

Mest lesið


Fleiri fréttir

Sjá meira


×

Mest lesið