Icardi kom Inter aftur á sigurbraut

Inter Milan komst aftur á sigurbraut eftir heimasigur á Udinese í ítölsku úrvalsdeildinni.



Inter hafði ekki unnið í síðustu fjórum leikjum í öllum keppnum, tvö töp og tvö jafntefli.



Sigurinn kom hins vegar í dag þegar liðið fékk Udinese í heimsókn.



Inter var töluvert sterkari aðilinn í leiknum, en þrátt fyrir það var markalaust er flautað var til hálfleiks.



Það var ekki fyrr en um stundarfjórðungur var til leiksloka er dróg til tíðinda. Þá fékk Seko Fofana, leikmaður Udinese boltann í hönd sína og vítaspyrna dæmd.



Mauro Icardi steig á punktinn og kom Inter yfir. Mark Icardi reyndist vera það eina í leiknum og sigur Inter því staðreynd.



Inter er áfram í þriðja sæti deildarinnar, ellefu stigum á eftir toppliði Juventus.