Heiða ráðin til Orkusölunnar

Heiða Halldórsdóttir hefur verið ráðin í starf markaðsstjóra Orkusölunnar.

Í tilkynningu segir að Heiða sé 31 árs og hafi útskrifast með MS gráðu í markaðsfræði og alþjóðaviðskiptum árið 2017 frá Háskóla Íslands. Þaðan hafi hún einnig útskrifast með BS gráðu í sálfræði árið 2013. Samhliða námi starfaði hún sem flugfreyja hjá Icelandair árin 2012–14.

„Heiða hefur undanfarin tvö ár verið markaðsstjóri hjá Jarðböðunum við Mývatn. Áður var hún birtingaráðgjafi og sérfræðingur hjá Birtingahúsinu. Hún er í sambúð með Hinriki Geir Jónssyni lögreglumanni og eiga þau tvö börn,“ segir í tilkynningunni.