Álfrún til Hönnunarmiðstöðvar

Álfrún Pálsdóttir hefur verið ráðin kynningarstjóri Hönnunarmiðstöðvar Íslands.

Fram kemur á vef Hönnunarmiðstöðvar að við störf sín muni Álfrún „halda utan um, móta og bera ábyrgð á kynningarmálum Hönnunarmiðstöðvar og þeim verkefnum sem miðstöðin sinnir, auk þess að veita samfélagi hönnuða og arkitekta þjónustu á sviði kynningarmála.“

Álfrún er menntuð í fjölmiðla- og kynjafræði frá Háskólanum í Osló og á að baki 12 ára reynslu í fjölmiðlum, sem blaðamaður og ritstjórnarfulltrúi á Fréttablaðinu og nú síðast sem ritstjóri tímaritsins Glamour.