Auðvitað tæklaði okkar kona Mitch Buchannon með stæl

Katrín Tanja Davíðsdóttir jók forskot sitt á toppnum á CrossFit mótinu „Fittest In Cape Town“ með því að vinna sína aðra grein í röð. Hún hefur 26 stiga forskot eftir fjórar greinar.

Mótið fer fram í Höfðaborg í Suður-Afríku og sigurvegarinn vinnur sér inn sæti á heimsleikunum í CrossFit í Madison í haust.

Fjórða greinin var skírð í höfðið á Baywatch kappanum Mitch Buchannon og auðvitað tæklaði okkar kona Mitch Buchannon með stæl.

Katrín Tanja kláraði á 12:52.32 mínútum og fékk fyrir það hundrað stig. Hún er komin með 320 stig samtals eftir fjórar greinar.

Í öðru sæti er Mia Akerlund frá Sameinuðu arabísku furstadæmunum með 294 stig en hún er þar með komin 26 stigum á eftir Katrínu.

Íslenska CrossFit drottingin náði að auka forskot sitt um sextán stig í þessari fjórðu grein þar sem Mia Akerlund endaði í fjórða sæti.

Það varð breyting á topp þrjú því hin ítalska Alessandra Pichelli komst upp fyrir hina bandarísku Körlu Wolford. Pichelli varð önnur í Mitch Buchannon greininni og fékk fyrir það 94 stig. Hún er því komin með 284 stig eða sex stigum meira en Wolford.

Þetta er síðasta grein dagsins á morgun bíður æfing sem var skírð eftir kraftakonunni Díönu.

Hér fyrir neðan má sjá útskýringu á Mitch Buchannon æfingunni.

 

 

 

View this post on Instagram

NEWS: In 2019 we are putting a rig on the beach for the first time in the history of Fittest in Cape Town! —- In collaboration with our good friends from @dhlcliftonsurflifesaving and our epic Official Equipment Partner @mifitness_za we are finalizing a vision that we’ve had for the last 3 years and we can’t wait to test out some proper CrossFit on the beach. —- CrossFit FiCT 2019’s “Mitch Buchannon 2019” mixes CrossFit’s original three modalities in a classic chipper style event. But here’s the twist: the Athletes won’t know exactly what their water element is until they get to the beach. Prior to the event start our instructors from the Clifton Lifesavers will offer some instructions before 3-2-1-go.. Who’s your favorites to take this one? #CrossFit #FiCT2019 #Sanctionals #Cliftonlifesavers #crossfitgames #fittestincapetown #fittestinafrica #beachworkout #mifitness

A post shared by Fittest in Cape Town (@fittestincapetown) on Jan 28, 2019 at 8:33am PST