KR mætir FH í undanúrslitum Lengjubikarsins

KR spilar til undanúrslita í Lengjubikar karla eftir öruggan sigur á Þrótti í lokaumferð riðlakeppninnar.

KR vann 4-0 á Eimskipsvellinum í Laugardalnum og komu öll fjögur mörk KR-inga á rétt rúmlega korteri í seinni hálfleik.

Með sigrinum fer KR upp fyrir Fylki í efsta sæti riðils 2 með 13 stig. Einn leikur er eftir í riðlinum á milli ÍBV og Víkings frá Ólafsvík en hvorugt þeirra getur náð KR og því vinnur KR riðilinn.

KR-ingar munu spila við FH í undanúrslitunum á laugardaginn eftir viku, 23. mars.