Andrea féll með Kristianstad

Andrea Jacobsen og stöllur í liði Kristianstad féllu úr sænsku úrvalsdeildinni í kvöld með tapi fyrir Sävehof.

Kristianstad átti ekki mikla möguleika í leiknum og töpuðu 31-19. Andrea skoraði eitt mark í leiknum.

Boden, með Hafdísi Renötudóttur innanborðs, bjargaði sér frá beinu falli með eins marks sigri á Heid.

Hafdís varði eitt skot í markinu í 27-26 sigri Boden. Sigurinn setti Boden upp í tíunda sæti. Liðin í 9. - 11. sæti deildarinnar spila þó í umspili um að halda sæti sínu svo Boden er ekki algjörlega sloppið.