HK og Fylkir sigri frá úrslitaeinvíginu

HK og Fylkir eru komin yfir í einvígum sínum í umspilinu um laust sæti í Olís-deild kvenna á næstu leiktíð.

HK, sem lék í Olís-deildinni í vetur, vann þriggja marka sigur á FH, 27-24, eftir að hafa verið þremur mörkum yfir í hálfleik, 15-12.

Valgerður Ýr Þorsteinsdóttir, Elna Ólöf Guðjónsdóttir og Díana Kristín Sigmarsdóttir gerðu allar fimm mörk fyrir HK en Fanney Þóra Þórsdóttir skoraði sjö fyrir FH.

Fylkir vann tveggja marka sigur á ÍR, 24-22, en bæði lið léku í Grill 66-deildinni í vetur. ÍR endaði í öðru sætinu en Fylkir í því fimmta svo úrslitin komu einhverjum á óvart.

Vinna þarf tvo leiki til að koma sér í úrslitaeinvígið en næsti leikur liðanna fer fram á föstudagskvöldið.