Búið er að boða til skiptafundar vegna gjaldþrots flugfélagsins WOW air, sem formlega var tekið til gjaldþrotaskipta í liðinni viku. Fundur mun fara fram í fundarsal á Hilton Reykjavík Nordica þann 16. ágúst næstkomandi, að því er fram kemur í Lögbirtingablaðinu í dag.
Allir þeir sem telja til skulda eða annarra réttinda á hendur búinu eða eigna í umráðum þess eru hvattir til að lýsa kröfum sínum fyrir undirrituðum skiptastjórum í búinu innan fjögurra mánaða.
Sjá einnig: Segir háa þóknun annars skiptastjórans einsdæmi
Í Lögbirtingablaðinu segir jafnframt að kröfulýsingar skulu sendar á Svein Andra Sveinsson, sem ásamt Þorsteini Einarssyni er skiptastjóri yfir búi WOW air.
Eins og ítarlega hefur verið fjallað um á síðustu vikum og mánuðum hafði WOW átt í fjárhagslegum vanda, sem svo kristallaðist í fyrrnefndu gjaldþroti á fimmtudaginn í liðinni viku. Talið hefur verið að skuldir félagsins gætu hafa numið um 24 milljörðum króna við gjaldþrotið og að tap félagsins á síðasta rekstrarári hafi verið um 22 milljarðar króna.
Skiptafundur WOW air á Hilton
Tengdar fréttir
Segir háa þóknun annars skiptastjórans einsdæmi
Ólga er meðal lögmanna vegna skipunar skiptastjóra yfir þrotabúi WOW AIR og hyggjast stjórnir Lögmannafélags Íslands og Félags kvenna í lögmennsku óska eftir upplýsingum um hvaða verkalagsregur gilda í slíkum tilfellum. Formaður félags kvenna í lögmennsku segir að þóknun sem annar skiptastjórinn hefur tekið sér fyrir slík verkefni þekkist ekki hjá öðrum lögmönnum.
Fyrrum stjórnarmaður WOW segir fimm ástæður fyrir gjaldþroti félagsins
Ben Baldanza sat í stjórn WOW air frá árinu 2016 til 2018 og segir hann flugfélagið hafa mætt fimm áskorunum sem hafi orðið til þess að félagið hafi farið í gjaldþrot.
Símon vísar því alfarið á bug að hann hygli Sveini Andra
Dómstjóri segir ásakanir um spillingu og lygar alvarlegar.
