Guðmundur spilaði allan leikinn í jafntefli

Guðmundur Þórarinsson spilaði allan leikinn í jafntefli Norköpping gegn Kalmar í sænsku deildinni í dag.

 

Það var fátt um fína drætti í fyrri hálfleiknum og var ekkert mark skorað. En það var síðan á 51. mínútu leiksins þar sem fyrsta markið kom en það skoraði Jordan Larsson fyrir Guðmund og félaga.

 

Liðsmenn Kalmar voru þó ekki lengi að jafna metin því á 58. mínútu fengu þeir vítaspyrnu sem Romarinho skoraði úr og jafnaði metin.

 

Á 78. mínútu virtist það síðan líta út fyrir það að Simon Thern væri að tryggja Norköpping sigurinn en það var þó ekki raunin því aðeins tveimur mínútum seinna jafnaði Papa Diouf fyrir Kalmar og þar við sat.

 

Bæði lið eru með tvö stig eftir þrjá leiki í deildinni.