Matthías fékk skell gegn fyrrum lærisveinum Solskjær

Matthías Vilhjálmsson spilaði allan leikinn fyrir Vålerenga sem tapaði 4-1 fyrir Molde á útivelli í norsku úrvalsdeildinni í knattspyrnu í kvöld.

Ohi Omoijuanfo kom Molde strax yfir á sjöttu mínútu og á fimmtu mínútu síðari hálfeliks skoraði Magnus Eikrem annað mark Molde.

Eirik Andersen skoraði þriðja mark Molde á 53. mínútu en sjö mínútum síðar minnkaði Markus Lund Nakkim muninn fyrir Vålerenga.

Martin Ellingsen skoraði fjórða og síðasta mark Molde. Skellur fyrir Matthías og félaga sem unnu fyrsta leikinn en hafa nú tapað tveimur leikjum í röð.

Molde er á toppnum með sjö stig en Vålerenga er í tíunda sætinu með þrjú stig.