Barcelona ætlar að nýta handbók Guardiola

Barcelona ætlar að leita til gamla þjálfarans síns, Pep Guardiola, í undirbúningi fyrir viðureignina við Liverpool í Meistaradeild Evrópu.

Liverpool hefur ekki tapað mörgum leikjum á tímabilinu, en einn af þeim kom gegn Manchester City í ensku úrvalsdeildinni og hinn deildarleikurinn endaði með jafntefli.

Þjálfarateymi Barcelona þarf að finna leiðir til þess að vinna Liverpool, liðin mætast í undanúrslitum Meistaradeildarinnar, og til þess að undirbúa sig ætla þeir að fara yfir taktík Guardiola gegn Liverpool á tímabilinu.

„Liverpool pressar mjög hátt, með sex eða jafnvel sjö leikmönnum. Þeir vilja láta þér líða óþægilega og reyna að ræna boltanum af þér,“ sagði heimildarmaður ESPN innan Barcelona.

„Við ætlum að spila eins og við gerum alltaf, við viljum spila boltanum í gegnum pressuna. En við höfum ekki útilokað að beita löngum boltum.“

Fyrri undanúrslitaleikur Liverpool og Barcelona fer fram á Camp Nou á morgun, miðvikudag.