Fótbolti

Iker Casillas leggur skóna á hilluna

Óskar Ófeigur Jónsson skrifar
Iker Casillas.
Iker Casillas. Getty/Etsuo Hara
Spænski markvörðurinn Iker Casillas hefur spilað sinn síðasta fótboltaleik á ferlinum en þessi sigursæli markvörður hefur ákveðið að hætta.

Iker Casillas fékk hjartaáfall á æfingu hjá Porto á dögunum og það fer ekkert á milli mála að þar liggur aðalástæðan fyrir því að þessi 37 ára markvörður kveður fótboltann á þessum tímapunkti.

Casillas fékk hjartaáfallið 1. maí en var útskrifaður af sjúkrahúsi 6. maí. Batahorfur voru góðar og það var búist við því að hann næði sér að fullu.





Iker Casillas hefur spilað yfir þúsund leiki á ferlinum og unnið alla titla í boði.

Hann var fyrirliði spænska landsliðsins sem varð Evrópumeistari 2008, heimsmeistari 2010 og Evrópumeistari 2012.

Casillas spilaði með Real Madrid frá 1999 til 2015 en hefur spilað með Porto frá 2015.

Iker Casillas vann Meistaradeildina þrisvar sinnum, heimsmeistarakeppni félagslið einu sinni og spænsku deildina fimm sinnum. Hann varð líka portúgalskur meistari með Porto.







Spánn Spænski boltinn

Mest lesið


Fleiri fréttir

Sjá meira


×

Mest lesið