Tveir unglingsstrákar létust eftir „slys“

Tveir unglingsstrákar létust í Sheffield á Bretlandi eftir „alvarlegt slys.“ Frá þessu er greint á vef Sky News.

Samkvæmt lögreglu létust strákarnir, sem voru 13 og 14 ára eftir „alvarlegt slys“ í heimahúsi í Sheffield. Fjögur önnur börn, sem voru 11, 10, þriggja ára og sjö mánaða voru flutt á sjúkrahús en hafa verið útskrifuð þaðan.

Lögregla hefur handtekið 37 ára gamlan mann og 34 ára gamla konu vegna gruns um morð.

Enn hefur dánarorsök ekki verið staðfest en krufning mun fara fram á laugardag.

Lögreglan í bænum segir að búið sé að tilkynni fjölskyldum drengjanna andlát þeirra og þær hljóti nú viðeigandi stuðning frá fagaðilum.

Simon Palmer, yfirlögregluþjónn sagði að verið væri að vinna að því að komast að því hvað hafi átt sér stað þegar slysið varð.