Átta særðir eftir sprengingu í Lyon

Minnst átta eru særðir eftir að sprenging varð við göngugötu í miðbæ Lyon í Frakklandi á fimmta tímanum í dag. Grunur leikur á að um pakkasprengju hafi verið að ræða. AFP fréttaveitan hefur eftir Emmanuel Macron, forseta Frakklands, að þetta hafi verið „árás“.

Le Progrés segir talið að maður hafi ekið fjórhjóli eftir götunni og kastað sprengjunni á götuna. Hún hafi svo sprungið um tveimur mínútum síðar. Talið er að sprengjan hafi innihaldið nagla, skrúfur og aðra hluti til að valda sem mestum skaða. Það virðist þó ekki hafa skilað tilætluðum árangri og eru flestir hinna særðu sagðir hafa hlotið minniháttar meiðsl. Þeirra á meðal er þó átta ára stúlka.

Sprengjan sprakk yfir utan bakarí á gatnamótum í miðborg Lyon. Búið er að flytja alla særða af svæðinu og lögreglan hefur gengið úr skugga um að ekki hafi fleiri sprengjum verið komið þar fyrir.

Une explosion a eu lieu aux alentours de 17h30, rue Victor-Hugo. Pompiers et forces de l'ordre sont sur place. La rue est fermée entre la place Bellecour et la rue Sainte-Hélène #Lyon pic.twitter.com/zWpEJwG97l

— Le Progrès Rhône (@leprogresrhone) May 24, 2019