Íslenskt stúlknalið keppir við bestu lið Evrópu

Ísland á fulltrúa í ár á virtu unglingamóti í knattspyrnu en fjórtán ára gamlar stelpur úr Breiðabliki komust í hóp liðanna sem keppa um Lennart Johansson Academy bikarinn í ár.

Þetta er í níunda skipti sem þetta mót fer fram en það heitir eftir Svíanum Lennart Johansson sem var forseti UEFA í sautján ár frá 1990 til 2007. Mótið er haldið af sænska liðinu AIK frá Stokkhólmi og í ár taka 30 félög þátt frá sautján löndum í ár.

Keppt er í þremur aldursflokkum, tveimur hjá strákum og einum hjá stelpum. Þetta eru undir fjórtán ára og undir þrettán ára lið hjá strákunum en undir fjórtán ára lið hjá stelpunum.

Meðal þátttakenda á þessu sterka móti eru lið frá stórum klúbbum eins og FC Barcelona, PSG, Inter Milan, Atlético Madrid og Manchester City.

Fjórtán ára kvennalið Breiðabliks fær að keppa á mótinu að þessu sinni. Það eru stelpur fæddar árið 2005.  Stelpurnar eru farnar út til Svíþjóðar enda hefst mótið í dag og stendur þangað til á sunnudaginn.

Blikastelpunum er boðið á þetta mót enda hafa þær verið mjög sigursælar hér heima og hafa ekki tapað leik í mörg ár. Nú fá þá þær mikla áskorun að keppa við bestu lið Evrópu í sínum aldursflokki.

Alls keppa tíu félög um titilinn í hverjum aldursflokki. Liðin sem keppa við Blikastelpurnar eru Atlético Madrid

Crossfire Premier, EPS frá Finnalandi, HJK Helsinki, Oslo Fotballkrets, Manchester City, Brondby IF, RCD Espanyol og

heimastúlkur í AIK Fotboll.

Spænska félagið Atlético Madrid á titil að verja síðan á síðasta ári.

Liðin sem keppa um Lennart Johansson Academy bikarinn í ár:

Þrettán ára strákar (Fæddir 2006)

Atlético Madrid

Galatasaray

Rapid Wien

Inter Milan

PAOK

SC Heerenveen

PVF Academy (Víetnam)

Stromsgodset

KuPS

AIK Fotboll

Fjórtán ára strákar (Fæddir 2005)

Altinordu SK

PSV Eindhoven

Club Brugge

FC Barcelona

Paris Saint-Germain

Odense BK

SK Brann

FC Honka

FC Bayern München

AIK Fotboll

Fjórtán ára stelpur (Fæddar 2005)

Atlético Madrid

Crossfire Premier

EPS Finland

HJK Helsinki

Oslo Fotballkrets

Manchester City

Brondby IF

RCD Espanyol

Breiðablik (Íslandi)

AIK Fotboll