GOG tók heimaleikjaréttinn

GOG hafði betur gegn Álaborg í fyrsta leik úrslitaeinvígisins í dönsku úrvalsdeildinni í handbolta.

Það voru gestirnir í GOG sem byrjuðu betur í leiknum í Álaborg en það var þó mikið jafnræði með liðunum í upphafi leiks. Heimamenn tóku yfirhöndina um miðjan hálfleikinn en munurinn varð aldrei meiri en tvö mörk.

Staðan í hálfleik var 16-14 fyrir gestina í GOG. Þeir byrjuðu seinni hálfleikinn betur og komust í 18-14 áður en Álaborg náði að svara.

GOG hélt yfirhöndinni út seinni hálfleikinn og vann að lokum 33-30 sigur.

Janus Daði Smárason átti mjög góðan leik fyrir Álaborg með fjögur mörk og sjö stoðsendingar. Ómar Ingi Magnússon var ekki í leikmannahópi Álaborgar í dag. Óðinn Þór Ríkharðsson skoraði eitt mark fyrir GOG.