Fótbolti

Byrjunarliðin í úrslitaleiknum: Kane hefur leik

Ingvi Þór Sæmundsson skrifar
Kane mætir til leiks.
Kane mætir til leiks. vísir/getty
Harry Kane er í byrjunarliði Tottenham sem mætir Liverpool í úrslitaleik Meistaradeildar Evrópu í Madríd í kvöld. Leikurinn hefst klukkan 19:00 og verður sýndur beint á Stöð 2 Sport. Upphitun fyrir leikinn hefst klukkan 18:15.

Kane hefur glímt við meiðsli að undanförnu og ekki leikið með Tottenham síðan í leiknum gegn Manchester City í ensku úrvalsdeildinni 9. apríl. Harry Winks er einnig í byrjunarliði Spurs en hann lék síðast gegn City líkt og Kane.

Lucas Moura, sem skoraði þrennu í seinni leik Tottenham og Ajax, byrjar á bekknum.

Fátt kemur á óvart í byrjunarliði Liverpool. Joël Matip leikur við Virgils van Dijk í miðri vörninni og Fabinho, Jordan Henderson og Georginio Wijnaldum eru á miðjunni. James Milner byrjar á bekknum.

Roberto Firmino er klár eftir meiðsli og byrjar í framlínunni ásamt Mohamed Salah og Sadio Mané.

Byrjunarliðin má sjá hér fyrir neðan. Beina textalýsingu frá leiknum má nálgast með því að smella hér.









Meistaradeild Evrópu

Mest lesið


Fleiri fréttir

Sjá meira


×

Mest lesið