Frá Grindavík til Heimis

Rene Joensen mun ekki leika meira með Grindavík í Pepsi Max-deild karla en hann er búinn að semja við HB í Færeyjum.

Rene, sem er frá Færeyjum, hefur um nokkurt skeið verið orðaður við HB í heimalandinu en það var svo staðfest á heimasíðu HB í dag.

Þjálfari HB er Heimir Guðjónsson, fyrrum margfaldur Íslandsmeistari með FH, en hann varð einmitt færeyskur meistari með HB á sínu fyrsta ári í fyrra.

Liðið leikur nú í forkeppni Meistaradeildarinnar og hefur leik þar um miðjan næsta mánuð en liðið er í fimmta sæti færeysku úrvalsdeildarinnar.