Buffon í viðræðum við Juventus

Það er aðeins ár síðan Gianluigi Buffon hætti við að hætta og fór frá Juventus. Nú virðist hann vera að koma aftur til félagsins sem leikmaður.

Hinn 41 árs gamli Buffon ætlaði að hengja upp hanskana fyrir ári síðan en þá kom afar freistandi tilboð frá PSG í Frakklandi sem hann þáði.

Nú er markvörðurinn aftur laus allra mála og er að ræða endurkoma til Juventus. Juventus er til í að gefa Buffon eins árs samning þar sem hann yrði varamarkvörður fyrir Wojciech Szczesny.

Hugmynd forráðamanna Juventus er að nýta krafta Buffon í eitt ár til viðbótar á vellinum en síðan færi hann í vinnu sem framkvæmdastjóri hjá félaginu. Félagið vill nýta krafta hans eftir að hann hættir.