Fótbolti

Mexíkó Gullbikarmeistari eftir sigur á Bandaríkjunum

Ástrós Ýr Eggertsdóttir skrifar
Mexíkó er Gullbikarmeistari
Mexíkó er Gullbikarmeistari vísir/getty
Mexíkó er handhafi Gullbikarsins eftir eins marks sigur á Bandaríkjamönnum í úrslitaleiknum í nótt.

Bandaríkin voru ríkjandi Gullbikarmeistari, en Gullbikarinn er keppni landsliðanna í Norður- og Mið-Ameríku.

Jonathan dos Santos skoraði eina mark leiksins á 73. mínútu og tryggði Mexíkó 1-0 sigur. Með sigrinum varð Mexíkó Gullbikarmiestari í áttunda sinn í sögunni.

Bandaríska liðið fékk nokkur tækifæri undir lokin til þess að jafna metin þegar þeir fengu hvert hornið á fætur öðru en Mexíkó hélt út og fagnaði að lokum sigri.

Fótbolti Mexíkó

Mest lesið


Fleiri fréttir

Sjá meira


×

Mest lesið